2025
2025-ci il ölkədə rəqəmsal transformasiyanın sürətləndiyi il olub:
- Rəqəmsal İnkişaf Konsepsiyasının təsdiq edilməsi ilə gələcəyin rəqəmsal yol xəritəsi formalaşdırılıb.
- “Onlayn Azərbaycan” layihəsi uğurla tamamlanaraq ölkə ərazisi sabit genişzolaqlı internetlə tam əhatə olunub.
- “mygov” platforması istifadəçilərinin sayı 2 milyonu ötüb.
- Dövlət qurumları arasında məlumat mübadiləsinin həcmi 2 milyardı keçib.
- Qanunvericilik sahəsində süni intellektin tətbiqinə start verilib: “E-qanun.ai” platforması istifadəyə verilib.
- Süni İntellekt Akademiyası fəaliyyətə başlayıb.
- “Andersen Lab” qlobal İT şirkəti Azərbaycanda rəsmi mərkəz açıb.
Bakı qlobal rəqəmsal dialoqun mərkəzinə çevrilib:
- Qlobal Gənclər Sammiti minlərlə gənci bir araya gətirib.
- 17 – 28 noyabrda Bakı Ümumdünya Telekommunikasiyanın İnkişafı Konfransına ev sahibliyi edib. Tədbir ölkəmizin qlobal rəqəmsal gündəmdə liderliyini bir daha təsdiqləyib.
- Azərbaycan Ümumdünya Poçt İttifaqının idarəedici şuralarına üzv seçilib.
- Azərbaycan nümayəndəsi Filateliyanın İnkişafı üzrə Ümumdünya Assosiasiyasının prezidenti seçilib.
2025-ci il nəqliyyat sahəsində yenilənmə ili olub:
- Nəqliyyat məsələlərinə həsr olunmuş yüksəksəviyyəli müşavirə keçirilib. Beynəlxalq Nəqliyyat Forumu Sammitinə prezidentlik Azərbaycana təhvil verilib.
- 22 – 24 oktyabrda Bakıda Beynəlxalq Nəqliyyat Forumu çərçivəsində iclaslar və Şuranın toplantısı keçirilib.
- İctimai nəqliyyat sistemində “CityCard”, NFC və mobil vasitələrlə ödəniş imkanı yaradılıb.
- Ölkə üzrə 600-dən çox yeni avtobus xəttə buraxılıb.
- Yerli istehsal olan ilk elektrikli avtobus istifadəyə verilib.
- Bakıda ilk qadın avtobus sürücüləri fəaliyyətə başlayıb.
- Marşrut seçimi və real vaxt məlumatlarını təqdim edən vahid “AYNA MaaS” platforması istifadəyə verilib.
Beləliklə, 2025-ci il rəqəmsal iqtisadiyyatın güclənməsi, “ağıllı” və dayanıqlı nəqliyyat, beynəlxalq etimad və liderlik ili olub.