“Relokasiya” proqramı

Dünyada İKT sahəsinin sürətli inkişafı və bu istiqamətdə rəqabətin artırılması məqsədilə ölkə siyasətlərində relokasiya proqramlarının yaradılmasına başlanılıb.

Məhz bu səbəbdən “Relokasiya” layihəsi 2022-ci ildən etibarən fəaliyyətə başlayıb. Layihə İnnovasiya və Rəqəmsal İnkişaf Agentliyinin yerli ekosistem mühitinin inkişaf strategiyalarına əsasən ərsəyə gəlib. “Relokasiya” proqramı xarici şirkətlərə aşağıdakı üstünlükləri təqdim edir:

• Sürətli və rahat relokasiyanın təşkili;
• Sənədləşmə prosesinin sadələşdirilməsi və aparılmasına dəstək;
• Şirkət əməkdaşlarının yerləşməsi və iş mühitinin təmin olunmasına dəstək;
• Yaşayış və iş icazəsinin alınması prosesinə tam dəstək;
• Biznes strukturunun və vençur kapitalı sənayesinin nümayəndələri ilə əməkdaşlığın təmin edilməsi;
• Hüquqi, maliyyə, bank hesablarının açılması və digər sənədləşmə işlərinə dəstək;
• 24/7 dəstək.

Yüksəksəviyyəli mütəxəssislər startaplarda innovativ layihələri ilə relokasiya etdikdən sonra müvafiq şərtlərə cavab verdikləri təqdirdə texnoparka rezidentlik əldə etmək üçün müraciət edə biləcəklər.