Maliyyə xidmətlərinin inkişafı layihəsi

2023-cü ilə qədər Mərkəzi Bank tərəfindən 925 poçt şöbəsinə bank-maliyyə xidmətlərinin göstərilməsi üçün müvafiq lisenziya verilib.

2023-cü ildə Avtomatlaşdırılmış Korporativ İnformasiya Sistemində (AKİS) respublika üzrə hesab açmadan (Naxçıvan daxil olmaqla) 840 537 ədəd 112 387 679 manat məbləğində pulköçürməsi qəbul edilib.

Beynəlxalq sistemlərdə (Western Union, Zolotaya Korona, Contact, UPT, Granat) aparılan pul köçürməsi əməliyyatlarının ümumi dövriyyəsi 613 454 108 manat, bu xidmətin rüsumundan əldə olunan gəlir isə 2 803 150 manat təşkil edib.

Dövr ərzində 124 661 ədəd ödəniş kartı emissiya edilərək müştərilərin istifadəsinə verilib. “Azərpoçt” MMC-nin 2023-cü il ərzində 120 754 ədəd plastik kart və PİN zərfi çap edilib. Hazırda “Azərpoçt” MMC-yə məxsus aktiv ödəniş kartlarının ümumi sayı 391 819 ədəddir.

“SmartPay” səyyar ödəniş terminalları vasitəsilə xüsusilə regionlarda vətəndaşlara poçt şöbələrinə gəlmədən evlərində və ofislərində ödənişlərin qəbulu imkanı yaradılıb. Dövr ərzində bu tip terminallarda 4 231 965,20 manat ödəniş qəbulu həyata keçirilib. Bununla yanaşı, 2023-cü il ərzində “Azərpoçt” MMC-yə məxsus ATM və POS-terminallarda digər banklara məxsus ödəniş kartları vasitəsilə 18 603 375 manat nağdlaşdırma əməliyyatı həyata keçirilib.

Hazırda müştərilərə (ümumi) 72 ədəd ATM, 190 cash out, 554 ədəd POS retail, 221 ədəd səyyar ödəniş qəbulu terminalı və 20 ədəd “SmartPay” ödəniş terminalı vasitəsilə xidmət göstərilir.

“Azərpoçt”un baş ofisi üzrə 193 ədəd müasir tipli kompüter quraşdırılıb. Bakı və PŞ-lər üzrə 65 ədəd kompüter dəyişdirilib. 1250 ədəd kompüter avadanlığı təmir olunub.

1040 ədəd istifadəçi üçün e-mail yaradılıb və konfiqurasiya olunub.

PDM-də ECOM bağlamalarının çeşidlənməsi üçün yeni ayrılmış yerə şəbəkə və elektrik xətləri çəkilib, texniki avadanlıqlarla təmin edilib.

Lənkəran MXŞ, PF 3 MXŞ, İmişli MXŞ, Şirvan MXŞ və Yevlax MXŞ-də yeni növbə sistemi qurulub.

AZ1000 indeksli poçt şöbəsində və “Blue Mall” ticarət mərkəzinə poçtamatlar quraşdırılıb və şəbəkə ilə təmin edilib.

PUDO üçün ayrılmış 9 ədəd poçt şöbəsinə şəbəkə və elektrik xətləri çəkilib, texniki avadanlıqlarla təmin edilib.

Bakı poçt şöbələri üzrə 47 ədəd valyuta mübadilə tablosu quraşdırılıb və şəbəkə ilə təmin edilib.

Poçt şöbələrinə 41 ədəd 3kVA UPS, 11 ədəd 10kVA və 7 ədəd 20 kVA UPS quraşdırılıb.

Cəlilabad, Zaqatala, Ağdaş və Avtovağzal “Şəbəkə” xidmətinin istifadəsində olan reklam monitorlarının qoşulma mexanizmi dəyişdirilib.

Şamaxı RPF yeni inzibati binaya köçürülüb və şəbəkə ilə təmin olunub.

Şəbəkə infrastrukturunun arxitekturasının modernləşdirmə və optimizasiyası üçün yeni NGFW 2 ədəd “AzInTelecom”da və 2 ədədi Baş ofisdə quraşdırılıb.

76 ədəd mövcud olan E1 xətti ləğv olunub ADSL/GPON qoşulub. Bakı və rayon PŞ-lər üzrə mövcud olan kommunikasiya imkanlarından asılı olaraq 155 poçt şöbəsi yeni ADSL və GPON qoşulma ilə təmin olunub.

Şəbəkə monitorinq proqram təminatı qurulub. İlkin mərhələdə 500 şəbəkə nöqtəsi monitorinq sisteminə əlavə edilib.