Mərkəzi icra hakimiyyəti orqanlarının və digər idarəetmə qurumlarının rəhbərlərinin şəhər və rayonlarda keçirəcəkləri vətəndaş qəbulunun cədvəlinə uyğun olaraq Rəqəmsal inkişaf və nəqliyyat naziri tərəfindən regionlarda keçiriləcək qəbula yazılma.
Hər bir şəxs “Elektron müraciətlər sistemi” vasitəsilə Azərbaycan Respublikasının Rəqəmsal İnkişaf və Nəqliyyat Nazirliyinə müraciət edərək öz təklif, ərizə və şikayətlərini göndərə bilər. Azərbaycan Respublikasının Rəqəmsal İnkişaf və Nəqliyyat Nazirliyinə rəsmi internet sayt vasitəsilə elektron formada göndərilmiş müraciətlər Azərbaycan Respublikasının Konstitusiyası, Azərbaycan Respublikasının tərəfdar çıxdığı beynəlxalq müqavilələr, “Vətəndaşların müraciətləri haqqında” Azərbaycan Respublikasının 2015-ci il 30 sentyabr tarixli 1308-IVQ nömrəli Qanuna və Azərbaycan Respublikasının digər normativ hüquqi aktlarına uyğun qeydiyyata alınır və baxılır.
Azərbaycan Respublikası Rəqəmsal İnkişaf və Nəqliyyat Nazirliyinə elektron formada müraciət göndərərkən aşağıdakı qaydalara riayət edilməsini xahiş edirik:
1. Mətni yazmazdan əvvəl nəzərdə tutulmuş formanın düzgün doldurulması vacibdir.
2. Müraciətin mətni oxunaqlı olmalı, müraciətdə edilən təklif və ya tələb aydın ifadə edilməlidir.
3. Müraciətin mətnində təhqirə və böhtana yol verildikdə müraciətə baxılmır.
