Rəqəmsal İnkişaf və Nəqliyyat Nazirliyi Rusiya Federasiyasının Nəqliyyat Nazirliyinin ayırdığı kvota əsasında Azərbaycan vətəndaşlarının 2024 – 2025-ci tədris ili üçün Rusiya Nəqliyyat Universitetinə qəbulu üzrə layihə icra edib.
Oktyabrın 24-də Biznes mühiti və beynəlxalq reytinqlər üzrə Komissiyanın Rəqəmsal İnkişaf və Nəqliyyat Nazirliyinin rəhbərlik etdiyi “Texnologiya və innovasiyalar” işçi qrupunun növbəti iclası keçirilib. İclasda Komissiya Katibliyinin rəhbərliyi, işçi qrupun rəhbəri, üzvləri və özəl sektor nümayəndələri iştirak ediblər.
COP29 konfransı ərəfəsində tədbir tarixləri ərzində nəqliyyat proseslərinin fasiləsiz və təhlükəsiz şəkildə təşkili məqsədilə paytaxtın bəzi küçə və prospektlərində nəqliyyatın idarə edilməsi üzrə monitorinqlər davam etdiriləcək.
Rəqəmsal İnkişaf və Nəqliyyat Nazirliyinin “Zəfər” Şəhid Ailələrinə Dəstək İctimai Birliyi ilə əməkdaşlığı çərçivəsində şəhidlərin ailə üzvlərinin əl işlərindən ibarət sərgi-satış yarmarkası keçirilib.
Azərbaycan paytaxtının görkəmini formalaşdıran tarixi görməli yerlərin cəmləşdiyi guşədə xüsusi layihə həyata keçirilir. Belə ki, Bakıda mobilliyin transformasiyası proqramının icrası çərçivəsində oktyabrın 27-dən paytaxtın mərkəzi hissəsi – İçərişəhər və Əziz Əliyev küçəsi ilə bağlı təklif edilən layihənin icrasına başlanılır.
24 oktyabrda bir sıra xarici ölkələrin Cenevrədə akkreditə olunmuş diplomatik nümayəndəliklərinin rəhbərləri və diplomatları üçün brifinq təşkil olunub.
Qazaxıstanda “Google” şirkəti ilə əməkdaşlıq çərçivəsində “Qafqaz və Mərkəzi Asiya 2024” hakatonu keçirilib. Astanada təşkil olunan və 7 ölkədən 120-dən çox iştirakçının yarışdığı hakatonda Azərbaycan startapı “Farm Forward” 3-cü yerə sahib çıxıb.
“Aztelekom” MMC Abşeron rayonunun Hökməli, Qobu, Yeni Qobu, Yuxarı Güzdək, Atyalı, Aşağı Güzdək, Pirəkəşkül, Çaylı, Qobustan, Masazır, Saray, Ceyranbatan, Novxanı, Mehdiabad, Fatmayı, Goradil, Məhəmmədli qəsəbələrində və Xırdalan şəhərində, həmçinin Binəqədi rayonunun Sulutəpə və Çiçək qəsəbələrində GPON (Gigabit Passive Optical Networks) texnologiyası əsasında fiber-optik şəbəkə yaradıb. 146,000-ə yaxın ev təsərrüfatı və biznes subyekti yüksəksürətli və genişzolaqlı internet xidmətləri ilə əhatə edilib.
Rəqəmsal İnkişaf və Nəqliyyat Nazirliyi yanında İctimai Şura üzvlüyünə seçkilər 19 oktyabr 2024-cü il tarixində nazirliyin inzibati binasında keçirilib. Səsvermədə vətəndaş cəmiyyəti institutlarının qeydiyyatdan keçmiş 132 təmsilçisindən 104-ü iştirak edib.
Cari ilin 15-18 oktyabr tarixlərində Türkiyənin İstanbul şəhərində Beynəlxalq Yol Federasiyasının təşkilatçılığı ilə “Dünya Konqresi 2024” adlı tədbir keçirilib.
