Nazirlikdə dövlət qulluqçularının peşə bayramı münasibətilə tədbir keçirilib
23 iyun tarixi Azərbaycan Respublikasının Prezidenti cənab İlham Əliyevin 25 may 2006-cı il tarixli müvafiq Sərəncamı ilə ölkəmizdə dövlət qulluqçularının peşə bayramı kimi qeyd edilir.
Bu gün münasibətilə Rəqəmsal İnkişaf və Nəqliyyat Nazirliyinin əmri ilə bir qrup əməkdaş Fəxri Fərmanla təltif olunub.
Bununla əlaqədar keçirilən tədbirdə rəqəmsal inkişaf və nəqliyyat nazirinin müavini Cavid Qurbanov işçiləri peşə bayramı münasibətilə təbrik edib, onlara fəaliyyətlərində uğurlar arzulayıb.
Daha sonra dövlət qulluğunda səmərəli fəaliyyətləri nəzərə alınan əməkdaşlara Fəxri Fərman təqdim edilib.
Sonda təltif olunan əməkdaşlar fəaliyyətlərinə verilən yüksək dəyərə görə minnətdarlıqlarını ifadə ediblər.
