Azərbaycanda klassik formada poçt rabitəsinin yaradılması XIX əsrə təsadüf edir. 1818-ci il iyunun 1-də Azərbaycan ərazisində ilk poçt rabitəsi yaradılıb. Müstəqilliyin ilk illərində Azərbaycanda poçt rabitəsi elektrik rabitəsindən ayrılaraq müstəqil bir qurum kimi fəaliyyətə başlayıb. 1997-ci ildə “Azərpoçt” İstehsalat Birliyi yaradılıb. 

07.10.2004-cü il tarixindən “Azərpoçt” Azərbaycan Respublikasının Rabitə və İnformasiya Texnologiyaları Nazirliyi nəzdində fəaliyyət göstərən milli operator kimi, 31.08.2009-cu il tarixindən isə “Azərpoçt” DM-in təşkilati-hüquqi forması dəyişdirilərək “Azərpoçt” MMC kimi fəaliyyətini davam etdirib.

13.07.2021-ci ildə “Azərpoçt” MMC “Azərmarka” MMC-nin ona qoşulması yolu ilə yenidən təşkil edilib.

16.04.2010-cu ildə Azərbaycan Mərkəzi Bankı tərəfindən milli poçt operatoruna maliyyə xidmətlərinin göstərilməsi üzrə lisenziya verildikdən sonra “Azərpoçt” MMC poçt xidmətləri ilə yanaşı, maliyyə xidmətləri də göstərməyə başlayıb.

 “Azərpoçt” MMC-nin strukturuna “Azərexpresspoçt” RM, “Poçt Daşıma Mərkəzi” və Mərkəzi Xüsusi Rabitə İdarəsi daxildir.

“Azərpoçt” MMC-nin fəaliyyətinin əsas məqsədi əhaliyə və müştərilərə yüksək keyfiyyətli poçt və maliyyə xidmətlərinin göstərilməsidir.

Cəmiyyətin əsas fəaliyyət istiqamətləri aşağıdakılardır:

Poçt xidmətləri sahəsində:

• ümumi istifadədə olan poçt rabitəsi xidmətləri (universal, sürətli, kuryer və s.);
• xüsusi təyinatlı poçt rabitəsi xidmətləri;
• dövri mətbuatın abunəsi və satışı;
• teleqraf göndərişlərinin qәbulu vә çatdırılması;
• dövlət poçt ödəniş nişanlarının buraxılması;
• poçt məhsullarının (poçt nişanları, digər filateliya məhsulları və s.) hazırlanması və satışı;
• poçt markaları və digər filateliya məhsullarının xaricdə nümayiş etdirilməsi və satışının təşkili;
• filateliya məhsullarının kataloqu və bülletenlərin buraxılması və satışının təşkili;
• digər ölkələrin filateliya məhsulları ilə respublika bazarının təmin edilməsi;
• dövlət filateliya kolleksiyasının təşkili;
• filateliya məhsullarının ehtiyat fondunun yaradılması və saxlanılması;
• Azərbaycan Respublikasının qanunvericiliyi ilə qadağan olunmayan digər poçt xidmətləri istiqamətlərində fəaliyyət göstərmək.

Maliyyə xidmətləri sahəsində:

• poçt hesablarının açılması və aparılması;
• pulköçürmələrinin həyata keçirilməsi;
• maliyyə təsisatlarında müxbir hesabların açılması;
• poçt əmanətlərinin qəbul edilməsi;
• ödəniş vasitələrinin, o cümlədən debet və kredit kartlarının, poçt çeklərinin buraxılması;
• xarici valyutanın alqı-satqısı;
• nağd pulun və digər qiymətlilərin inkassasiyası.

Biznes xidmətləri sahəsində:

• turizm və şəhərlərarası nəqliyyat gedişi biletlərinin, həmçinin lotereya biletlərinin satışı;
• yüklərin daşınması, logistika, anbar xidmətləri, ekspeditor və brokerlik (gömrük təmsilçiliyi) fəaliyyəti;
• elektron poçt və internet xidmәtlәrinin göstәrilmәsi;
• şәһәrlәrarası vә beynәlxalq telefon danışıqları xidmәtlәrinin göstәrilmәsi;
• kommunal və digər xidmət haqlarının yığılması;
• dövlət sosial sığorta ödənişlərinin (pensiya, müavinət və s.) vətəndaşlara çatdırılması;
• xırda ticarət və kommersiya xidmətlərinin təşkili;
• idxal və ixrac əməliyyatları;
• nəşriyyat-poliqrafiya, mətbuat və reklam fəaliyyəti;
• oymaçılıq-həkkaklıq məhsullarının hazırlanması;
• Azərbaycan Respublikasının qanunvericiliyi ilə qadağan olunmayan poçt fəaliyyətinə aid olan digər biznes xidmətləri istiqamətlərində fəaliyyət göstərmək.