• Bakı şəhəri, AZ1000, Üzeyir Hacıbəyli küç. 48
  • (+99412) 492 55 00
  • contactus@baktelecom.az
  • www.baktelecom.az

"Bakı Telefon Rabitəsi" MMC

“Bakı Telefon Rabitəsi” İstehsalat Birliyi (BTRİB) 1997-ci ildə yaradılıb.

 

2017-ci ilin 19 iyul tarixində isə “Bakı Telefon Rabitəsi” Məhdud Məsuliyyətli Cəmiyyəti olaraq yenidən təşkil edilib.

 

İlk dövlət internet şəbəkəsi “Bakİnternet” 2001-ci ilin 10 may tarixində BTRİB-in nəzdində yaradılıb. 

 

“Bakı Telefon Rabitəsi” MMC dövlət orqanlarına, korporativ və fərdi seqmentdən olan 630 mindən çox müştəriyə bütün növ müasir telekommunikasiya xidmətləri – telefon, internet, DATA, İPTV, CDMA və LTE texnologiyalarına əsaslanan IP telefoniya xidmətləri təqdim edir. Əlavə olaraq, şirkət rabitə qurğularının layihələndirilməsi xidmətini də həyata keçirir.

 

Şirkətin bütün istismar ərazisini əhatə edən kabel-kanal qurğuları, fiber-optik şəbəkəsi, IP/MPLS texnologiyasına əsaslanan daşıyıcı şəbəkəsi, GPON texnologiyasına əsaslanan paylayıcı şəbəkəsi mövcuddur.

 

Qurumun tabeliyində 6 Rabitə xidmətləri mərkəzi, həmçinin “Azərrabitəlayihə” MMC və “AzEuroTel” MMC fəaliyyət göstərir.

 

Müştəri məmnuniyyətinin yüksəldilməsi və xidmət coğrafiyasının genişləndirilməsi məqsədi ilə hazırda fiber-optik, magistral və paylayıcı şəbəkənin əhatə dairəsinin artırılması istiqamətində layihələr həyata keçirilir.