date icon
28.03.2019 / 16:20

Ramin Quluzadə Dəclə çayındakı qəzada çox sayda insan tələfatıyla bağlı nekroloq imzalayıb

21 mart 2019-cu il tarixində İraqın Mosul şəhəri yaxınlığında Dəclə çayı ilə hərəkət edən bərənin qəzaya uğraması nəticəsində çox sayda insanın həlak olması ilə bağlı Azərbaycan Respublikasının nəqliyyat, rabitə və yüksək texnologiyalar naziri, Azərbaycan-İraq Birgə Hökumətlərarası Komissiyanın həmsədri Ramin Quluzadə bu ölkənin Bakıdakı səfirliyini ziyarət edərək nekroloq imzalayıb.

Nekroloqda deyilir:

 

Hörmətli cənab Fədhi Avad Cebur əl-Şuvayli,

 

İraqın Mosul şəhəri yaxınlığında Dəclə çayı ilə hərəkət edən bərənin qəzaya uğraması nəticəsində çox sayda insanın həlak olması xəbərini dərin kədər hissi ilə qarşıladım.

 

Bu faciə ilə əlaqədar Sizə, həlak olanların ailələrinə və yaxınlarına, bütün İraq xalqına dərin hüznlə başsağlığı verir, yaralananlara və xəsarət alanlara şəfa diləyirəm.

 

Allah rəhmət etsin!

 

 

Ramin Quluzadə

 

Azərbaycan Respublikasının nəqliyyat, rabitə və yüksək texnologiyalar naziri,

 

Azərbaycan Respublikası Hökuməti və İraq Respublikası Hökuməti arasında iqtisadi, elmi, texniki və mədəni əməkdaşlıq üzrə Birgə Komissiyanın həmsədri

Şriftin ölçüsü

A A A

Saytın rəngi

R R R